मिति २०७८ चैत्र ०६ गतेका दिन सुर्खेतमा "खेलकुदमा प्रतिबन्धित औषधि सेवन तथा विधि विरुद्धको सचेतना कार्यक्रम" सम्पन्न भयो । युवा तथ खेलकुद मन्त्रालयका सचिव डा. दामोदर रेग्मीज्यूको अध्यक्षता, कर्णाली प्रदेशका माननीय सामाजिक विकास मन्त्री श्री यज्ञ बहादुर बुढा क्षेत्रीज्यूको प्रमुख आतिथ्यता तथा मन्त्रालयका सहसचिव श्री लक्ष्मी प्रसाद भट्टराईज्यू, कर्णाली प्रदेश खेलकुद विकास परिषद्का सदस्य सचिव श्री विश्वामित्र सन्ज्यालज्यू तथा कर्णाली प्रदेश सामाजिक विकास मन्त्रालयका युवा तथा खेलकुद महाशाखा प्रमुख, कर्णाली प्रदेश अन्तरगतका खेलकुद सम्बन्धि निकायका पदाधिकारीज्यूहरु लगायत मन्त्रालयका कर्मचारीहरुको उपस्थिति तथा खेलाडी, खेल प्रशिक्षकहरुको सहभागीतामा सञ्चालित उद्घाटन सत्रमा माननीय सामाजिक विकास मन्त्रीज्यूले सम्बोधन गर्नु भएको थियो भने अन्तरक्रियात्मक सत्रमा मन्त्रालयका सचिव डा. दामोदर रेग्मीज्यू र राष्ट्रिय खेलकुद परिषद्का Anti-doping विज्ञ डा. ज्ञानेन्द्र विक्रम शाहज्यूले सहजिकरण गर्नु भएको थियो । मन्त्रालयका उपसचिव श्री शान्तिबहादुर बस्नेतज्यूले सञ्चालन गर्नु भएको उक्त कार्यक्रममा सहसचिव श्री लक्ष्मी प्रसाद भट्टराईज्यूले स्वागत मन्तव्य व्यक्त गर्नु भएको थियो ।